សូមស្វាគមន៍ WWW.ANHOTNEWS.COM មានទទួល សេវាកម្មផ្សាយពាណិជ្ជកម្ម គ្រប់ប្រភេទ ចាងហ្វាងការផ្សាយ ទីស្នាក់ការកណ្តាល ភូមិព្រៃលាវ ឃុំ​ បន្សាបត្រែង ស្រុកថ្មគោល ខេត្តបាត់ដំបង ទំនាក់ទំនង Tel :017 77 74 52 ។


សូមស្វាគមន៍ គេហទំព័រ anhotnews មានទទួល សេវាកម្មផ្សាយពាណិជ្ជកម្ម គ្រប់ប្រភេទ ចាងហ្វាងការផ្សាយ ទីស្នាក់ការកណ្តាល ភូមិព្រៃលាវ ឃុំ​ បន្សាបត្រែង ស្រុកថ្មគោល ខេត្តបាត់ដំបង ទំនាក់ទំនង Tel :017 77 74 52 ។


Friday, April 30, 2021

ព្រឹកនេះ សម្តេចពិជ័យសេនា ទៀ បាញ់ អញ្ជើញបើកយុទ្ធនាការចាក់វ៉ាក់សាំងការពារជំងឺកូវីដជូនពលរដ្ឋនៅតំបន់ក្រហម, ការចាក់នឹងចាប់ពីថ្ងៃទី០១ ខែឧសភា

ចំនួនអ្នកទស្សនា: Views

  


(ភ្នំពេញ)៖ នៅព្រឹកថ្ងៃទី៣០ ខែមេសា ឆ្នាំ២០២១នេះ សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ បានអញ្ជើញជាអធិបតីភាព ក្នុងពិធីបើកយុទ្ធនាការចាក់វ៉ាក់សាំងការពារជំងឺកូវីដ១៩ ជូនដល់ប្រជាពលរដ្ឋរស់នៅក្នុងតំបន់ក្រហម ក្នុងភូមិសាស្ត្ររាជធានីភ្នំពេញ និងទីក្រុងតាខ្មៅ នៃខេត្តកណ្ដាល។

ពិធីនេះរៀបចំឡើងនៅក្នុងទីតាំងមូលដ្ឋានកងទ័ព នៃកងពលតូចលេខ៧០ ស្ថិតក្នុងភូមិព្រៃព្រីងខាងត្បូង សង្កាត់ចោមចៅ រាជធានីភ្នំពេញ។

នាយឧត្តមសេនីយ៍ ឥត សារ៉ាត់ អគ្គមេបញ្ជារង និងជានាយសេនាធិការចម្រុះនៃកងយោធពលខេមរភូមិន្ទ បានបញ្ជាក់ប្រាប់ បណ្តាញព័ត៌មាន​ ឱ្យដឹងថា បន្ទាប់ពីបើកយុទ្ធនាការចាក់វ៉ាក់សាំងជាផ្លូវការ ក្រសួងការពារជាតិ នឹងបញ្ជូនក្រុមគ្រូពេទ្យជំនាញជាក្រុមៗ ចូលទៅកាន់តំបន់គោលដៅ ដែលមានហានិភ័យខ្ពស់ ក្នុងភូមិសាស្ត្ររាជធានីភ្នំពេញ និងក្រុងតាខ្មៅ ខេត្តកណ្ដាល ដើម្បីចាក់វ៉ាក់សាំងការពារជំងឺកូវីដ១៩ ជូនដល់ប្រជាពលរដ្ឋ ក្នុងតំបន់ទាំងនោះ ចាប់ពីថ្ងៃទី០១ ខែឧសភា ឆ្នាំ២០២១ តទៅ ហើយប្ដេជ្ញាចាក់ឱ្យរួចរាល់ក្នុងរយៈពេល១៥ថ្ងៃ ជូនដល់ប្រជាពលរដ្ឋទូទៅក្នុងតំបន់រងគ្រោះទាំងនោះ។

ដើម្បីឱ្យយុទ្ធនាការចាក់វ៉ាក់សាំងកូវីដ-១៩ ទ្រង់ទ្រាយធំដល់ប្រជាពលរដ្ឋរស់នៅក្នុងតំបន់ក្រហមនាពេលខាងមុខទទួលបានជោគជ័យតាមការគ្រោងទុក នាយឧត្តមសេនីយ៍ ឥត សារ៉ាត់ អគ្គមេបញ្ជាការរង និងជានាយសេនាធិការចម្រុះ នៃកងយោធពលខេមរភូមិន្ទនៅថ្ងៃទី២៩ ខែមេសា ឆ្នាំ២០២១នេះ បានស្នើសុំការសហការពីក្រសួង ស្ថាប័នពាក់ព័ន្ធចំនួន ៣ចំណុចសំខានៗរួមមាន៖

ទី១៖ សូមក្រុមប្រឹក្សាសង្កាត់ អាជ្ញាធរខណ្ឌនីមួយៗជ ផ្តល់តួលេខជាក់លាក់អំពីចំនួនប្រជាពលរដ្ឋដែលរស់នៅតាមភូមិ តាមសង្កាត់ ក្នុងមូលដ្ឋានរបស់ខ្លួននីមួយៗ ដើម្បីធ្វើផែនការចាក់វ៉ាក់សាំង។

ទី២៖ សូមឱ្យអាជ្ញាធរខណ្ឌនីមួយៗ អំពាវនាវឱ្យប្រជាពលរដ្ឋមកទទួលការចាក់វ៉ាក់សាំង តាមទីតាំងដែលបានកំណត់។

ទី៣៖ សូមកិច្ចសហការជាមួយក្រសួងការងារ និងបណ្តុះបណ្តាលវិជ្ជាជីវៈ ព្រោះនៅក្នុងតំបន់ក្រហមមានកម្មករ និយោជិតចំនួន ៤៥ម៉ឺននាក់ ដើម្បីឱ្យក្រសួងសហការ ជាមួយកងយោធពលខេមរភូមិន្ទ រៀបចំទីតាំង តួលេខ និងកន្លែងចាក់ ព្រមទាំងអំពាវនាវឱ្យបងប្អូនកម្មករ ក្នុងខណ្ឌទាំង៤ មកទទួលវ៉ាក់សាំងតាមទីតាំងបានកំណត់។

សូមបញ្ជាក់ថា យោងតាមបទបញ្ជារបស់ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា យុទ្ធនាការចាក់វ៉ាក់សាំងកូវីដ-១៩ ទ្រង់ទ្រាយធំ ជូនប្រជាពលរដ្ឋរស់នៅតំបន់ក្រហម នឹងចាប់បើកយុទ្ធនាការពីថ្ងៃទី១ ដល់ថ្ងៃទី៣០ ខែឧសភា ឆ្នាំ២០២១ រៀបចំដោយក្រសួងការពារជាតិ៕



ប្រមុខរាជរដ្ឋាភិបាល អបអរសាទរខួប២២ឆ្នាំ ដែលកម្ពុជាចូលជាសជិកអាស៊ាន

ចំនួនអ្នកទស្សនា: Views

 


(ភ្នំពេញ): ថ្ងៃទី៣០ ខែមេសា ឆ្នាំ២០២១ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានសម្ដែងនូវការអបអរសាទរចំពោះខួប២២ឆ្នាំ ដែលកម្ពុជាចូលជាសជិកអាស៊ាន (៣០ មេសា ១៩៩៩-៣០ មេសា ២០២១)។

នៅផេកផ្លូវការ នាថ្ងៃទី៣០ ខែមេសា ឆ្នាំ២០២១ សម្ដេចតេជោបានសរសេរថា អបអរសាទរខួប២២ឆ្នាំ កម្ពុជាចូលជាសជិកអាស៊ាន។ ថ្ងៃនេះគឺជាខួប២២ឆ្នាំ (៣០ មេសា ១៩៩៩-៣០ មេសា ២០២១) ដែលកម្ពុជាក្លាយជាសមាជិកសមាគមប្រជាជាតិអាស៊ីអាគ្នេយ៍ ហៅថាអាស៊ាន(ASEAN)។

សម្តេចតេជោថ្លែងថា ចាប់តាំងពីបានក្លាយជាសមាជិកអាស៊ានមក កម្ពុជាបានធ្វើការយ៉ាងជិតស្និទ្ធជាមួយសមាជិកដទៃទៀត ក្នុងការកសាងសហគមន៍អាស៊ានមួយ ដែលផ្តោតលើប្រជាជន និងយកប្រជាជនជាស្នូល ក្នុងស្មារតីនៃភាពម្ចាស់ការ និងការទទួលខុសត្រូវរួម។

សម្ដេចតេជោលើកឡើងថា បន្ទាប់ពីការស្វះស្វែងតាមនយោបាយការទូតយ៉ាងស្វិតស្វាញ និងទន់ភ្លន់ កម្ពុជាត្រូវបានអាស៊ាន សម្រេចឱ្យចូលជាសមាជិកទី១០ ក្នុងកិច្ចប្រជុំកំពូលរបស់ខ្លួននៅទីក្រុងហាណូយ ប្រទេសវៀតណាម នៅថ្ងៃទី៣០ ខែមេសា ឆ្នាំ១៩៩៩។

អាស៊ានបានក្លាយជាស្នូលមួយនៃនយោបាយការបរទេសរបស់កម្ពុជា ដែលអាចឆ្លុះបញ្ចាំងបានតាមរយៈការផ្សារភ្ជាប់ការអភិវឌ្ឍ ផ្នែកនយោបាយ សង្គម សេដ្ឋកិច្ចរបស់កម្ពុជា ទៅនឹងសមាហរណកម្មតំបន់ និងកិច្ចសហប្រតិបត្តិការអន្តរជាតិ។ សម្រេចតេជោបានគូសបញ្ជាក់ថា ការក្លាយទៅជាសមាជិកអាស៊ាននេះ គឺជាជោគជ័យនៃការទូតមួយរបស់ប្រទេសកម្ពុជា ក្នុងកាពង្រីកអនុភាព និងបង្កើនតួនាទីរបស់ខ្លួនកាន់តែសកម្ម នៅក្នុងតំបន់ផងដែរ៕

Thursday, April 29, 2021

ឯកឧត្តម គួច ចំរើន អំពាវនាវដល់ប្រជាពលរដ្ឋ ទៅយកសំណាកពិនិត្យឲ្យលឿនបំផុត បើសង្ស័យប៉ះពាល់ផ្ទាល់ ឬប្រយោលជាមួយអ្នកជំងឺកូវីដ១៩

ចំនួនអ្នកទស្សនា: Views

 (ព្រះសីហនុ)៖ នាថ្ងៃទី២៩ ខែមេសា ឆ្នាំ២០២១នេះ  ឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ បានក្រើនរម្លឹក និងអំពាវនាវ ដល់សាធារណជនក្នុងខេត្តព្រះសីហនុ ប្រសិនបើមានការសង្ស័យ ឬមានការប៉ះពាល់ផ្ទាល់ និងប្រយោលជាមួយអ្នកមានផ្ទុកវីរុសកូវីដ-១៩ ត្រូវទៅយកសំណាកឱ្យបានលឿនជាទីបំផុត នៅតាមទីតាំងដែលរដ្ឋបាលខេត្ត បានជូនដំណឹងកន្លងមក។

ឯកឧត្តមអភិបាលខេត្តបានគូសបញ្ជាក់ថា ការយកសំណាកនេះ គឺដើម្បីវិភាគរកមេរោគកូវីដ-១៩ ឲ្យបានទាន់ពេលវេលា ហើយវាជាវិធានការណ៍មួយដ៏ល្អសម្រាប់ខ្លួនយើង ក្រុមគ្រួសារ និងសង្គមជាតិរបស់យើង។

ឯកឧត្តម បានបញ្ជាក់ថា ការធ្វេសប្រហែស ការបណ្តែតបណ្តោយ ឬការភ័យខ្លាចវាជាដើមចមមួយ ដែលធ្វើឱ្យខ្លួនយើង ក្រុមគ្រួសារយើង ជួបហានិភ័យធ្ងន់ធ្ងរ រហូតបាត់បង់អាយុជីវិតថែមទៀតផង យ៉ាងណាម៉ិញនៅខេត្តព្រះសីហនុរបស់យើងមានមនុស្សប្រុស-ស្រីចំនួន ៥នាក់ហើយ ដែលបានបាត់បង់អាយុជីវិតដោយសារតែជំងឺកូវីដ-១៩ កើតឡើងក្នុងព្រឹត្តិការណ៍សហគមន៍ ២០កុម្ភ:។ ហើយមូលហេតុ ដែលបង្កឱ្យមានមនុស្សស្លាប់នេះ គឺបណ្តាលមកពីកត្តាធំៗពីរ ទី១.ការធ្វេសប្រហែសមិនព្រមទៅយកសំណាកវិភាគរកមេរោគកូវូដ-១៩ និងទី២.ការតក់ស្លុត នៅពេលដឹងថាខ្លួនមានវីរុសកូវីដ-១៩។

ឯកឧត្តមអភិបាលខេត្ត បានបញ្ជាក់បន្ថែមទៀតថា នៅពេលយើងមានការសង្ស័យនូវអាការ:ណាមួយ ឬបានប៉ះពាល់ផ្ទាល់ និងប្រយោលជាមួយអ្នកមានវិជ្ជមានកូវីដ-១៩ ត្រូវទៅយកសំណាកវិភាគរកមេរោគកូវីដ និងប្រឹក្សាយោបល់ជាមួយក្រុមគ្រូពេទ្យភ្លាម អ្នកជំងឺទាំងអស់នឹងព្យាបាលជាសះស្បើយ១០០ភាគរយ។ ប្រសិនបើយើងទុកដល់ពេលវីរុសកូវីដ-១៩ វាយលុកធ្ងន់ធ្ងរ ទើបយើងចូលពេទ្យ វាពិបាកក្នុងការព្យាបាល ហើយមានហានិភ័យដល់អាយុជីវិតខ្ពស់បំផុត ៕ ដោយ៖ កន ចំណាន, ប្រភព៖ រដ្ឋបាលខេត្តព្រះសីហនុ

អភិបាលរងរាជធានីភ្នំពេញ៖ មានតែវិធានការបិទខ្ទប់ឱ្យតឹងរឹងទេ ទើបអាចកាត់ផ្តាច់ការចម្លងកូវីដ១៩

ចំនួនអ្នកទស្សនា: Views

  


(ភ្នំពេញ)៖ ថ្ងៃទី២៩ ខែមេសា ឆ្នាំ២០២១នេះ គឺជាថ្ងៃនៃការចាប់ផ្តើមបន្តវិធានការបិទខ្ទប់រាជធានីភ្នំពេញ និងក្រុងតាខ្មៅ នៃខេត្តកណ្តាល រយៈពេល៧ថ្ងៃបន្តទៀត ដើម្បីកាត់ផ្តាច់ការចម្លងជំងឺកូវីដ១៩ ក្នុងព្រឹត្តិការណ៍សហគមន៍២០កុម្ភៈ។ លោក នួន ផារ័ត្ន អភិបាលរងរាជធានីភ្នំពេញ បានគូសបញ្ជាក់ថា មានតែការអនុវត្តវិធានបិទខ្ទប់ឱ្យបានតឹងរឹងនោះទេ ទើបអាចកាត់ផ្តាច់ការចម្លងជំងឺកូវីដ១៩នេះបាន។

ដើម្បីងាយស្រួលក្នុងការគ្រប់គ្រងស្ថានការណ៍នៃការរីករាលដាលជំងឺកូវីដ១៩នេះ ក្នុងវិធានការបិទខ្ទប់រាជធានីភ្នំពេញ និងក្រុងតាខ្មៅពីថ្ងៃទី២៩ ខែមេសា ដល់ថ្ងៃទី០៥ ខែឧសភា រាជរដ្ឋាភិបាល បានបែងចែកតំបន់បិទខ្ទប់ជា ៣ប្រភេទ គឺតំបន់ក្រហម, លឿងទុំ និងលឿង។ តំបន់ទាំង៣ មានវិធានការរឹតបន្តឹងការធ្វើចរាចរណ៍ និងការធ្វើអាជីវកម្មផ្សេងៗគ្នា។

ថ្លែងក្នុងសន្និសីទព័ត៌មានស្តីពីការបិទខ្ទប់រាជធានីភ្នំពេញ និងក្រុងតាខ្មៅនាថ្ងៃទី២៨ ខែមេសា ឆ្នាំ២០២១ លោក នួន ផារ័ត្ន បានលើកឡើងថា វិធានការបិទខ្ទប់ជាវិធានការចាំបាច់ សំខាន់ ដើម្បីទប់ស្កាត់មិនឱ្យរីករាលដាលចេញពីតំបន់ក្រហមទាំងមូល ក៏ដូចជាចេញពីតំបន់ក្រហម ទៅតំបន់លឿងទុំ និងតំបន់លឿងផ្សេងទៀត ដែលអាចនាំហានិភ័យកាន់តែធំឡើង។

លោកអភិបាលរងរាជធានីភ្នំពេញ បានអះអាងថា ក្នុងរយៈពេល៧ថ្ងៃនេះ អាជ្ញាធរបន្តរឹតបន្តឹងកាន់តែខ្លាំង ដើម្បីធានាដល់ប្រសិទ្ធភាពកាត់ផ្តាច់ការចម្លងជំងឺកូវីដ១៩។ លោក នួន ផារ័ត្ន បានបញ្ជាក់ដូច្នេះ «ខ្ញុំសូមជម្រាបថា ៧ថ្ងៃទៅមុខទៀតនេះ អាជ្ញាធរនៅតែបន្តវិធានការតឹងរឹង ហើយមានតែតឹងរឹងជាងមុន ដើម្បីឱ្យ៧ថ្ងៃនេះវាកាន់តែមានប្រសិទ្ធភាព។ គ្មានវិធានការទន់ភ្លន់ណាមួយ ដើម្បីអាចទប់ស្កាត់ការរីករាលដាលជំងឺកូវីដ១៩ បានទេ គឺមានតែវិធានការតឹងរឹង ម៉ត់ចត់ ម៉ឺងម៉ាត់នៅក្នុងការអនុវត្តវិធានការនានាដែលបានកំណត់ ទើបយើងអាចឈានទៅបញ្ចប់ព្រឹត្តិការណ៍២០កុម្ភៈ បានឆាប់»

ក្រៅតែពីការអនុវត្តន៍វិធានការតឹងរឹងហើយនោះ ការចូលរួមរបស់ប្រជាពលរដ្ឋ គឺជាកិច្ចការចាំបាច់មួយទៀត សម្រាប់ការកាត់ផ្តាច់ការចម្លងជំងឺកូវីដ១៩។ យោងលើហេតុផលនេះ លោក នួន ផារ័ត្ន បានអំពាវនាវដល់ប្រជាពលរដ្ឋឱ្យចូលរួមអនុវត្តវិធានការនានាទាំងអស់គ្នា ដើម្បីកាត់ផ្តាច់ការចម្លងជំងឺ និងឆាប់បានវិលទៅរកស្ថានភាពប្រក្រតីមុនថ្ងៃ២០កុម្ភៈ ឡើងវិញ។

លោក នួន ផារ័ត្ន ក៏បានសុំការយោគយល់ពីផលប៉ះពាល់ផ្លូវអារម្មណ៍ ការរកស៊ីទទួលទានរបស់ប្រជាពលរដ្ឋកំលុងពេលបិទខ្ទប់នេះ។ លោកបានពន្យល់ថា ប្រជាពលរដ្ឋនៅតំបន់បិទខ្ទប់អាចជួបការលំបាក តែនៅមានជម្រើសប្រសើរជាងមន្ត្រីអនុវត្តវិធានការ ព្រោះអាចនៅជុំគ្រួសារ និងការពារការចម្លងជំងឺ។ តែមន្ត្រីអត់មានជម្រើសជុំគ្រួសារនោះទេ គឺបន្តលុកលុយចូលតំបន់គ្រោះថ្នាក់ទាំងនេះ ដើម្បីអនុវត្តវិធានាការនានាកាត់ផ្តាច់ការចម្លងជំងឺ និងការពារអាយុជីវិតរបស់ប្រជាពលរដ្ឋ។

«បងប្អូនប្រជាពលរដ្ឋទាំងអស់ ពុកម៉ែ មាមីងបងប្អូនមានជម្រើសនៅផ្ទះគេចផុតពីការឆ្លងជំងឺកូវីដ១៩ មានសុវត្ថិភាពនៅជុំគ្រួសារ ប៉ុន្តែយើងខ្ញុំជាមន្ត្រីមូលដ្ឋាន ជាកងកម្លាំង ជាក្រុមគ្រូពេទ្យទាំងអស់ ក៏ដូចជាថ្នាក់ដឹកនាំមិនមានជម្រើសទេ ត្រូវតែប្រឹងប្រែងបំពេញការងារចូលមកលុកលុយក្នុងតំបន់ហានិភ័យ តំបន់ក្រហម ដើម្បីគោលដៅតែមួយគត់ គឺទប់ស្កាត់ការរីករាលដាលជំងឺកូវីដ១៩ ការពារអាយុជីវិតពុកម៉ែ មាមីង បងប្អូន»។ នេះជាការលើកឡើងរបស់លោក ផារ័ត្ន។

ទន្ទឹមនឹងការចាប់ផ្តើមរឹតបន្តឹងអនុវត្តវិធានការបិទខ្ទប់៧ថ្ងៃទៅមុខទៀតនេះ លោក នួន ផារ័ត្ន ក៏បានអំពាវនាវទៅកាន់ប្រជាពលរដ្ឋ អាជីវករ ក៏ដូចជាម្ចាស់អាជីវកម្មនៅក្នុងតំបន់លឿងទាំងអស់ ត្រូវបន្តអនុវត្តកាតព្វកិច្ចពាក់ម៉ាស់ រក្សាគម្លាត និងវិធានការនានារបស់ក្រសួងសុខាភិបាល។ លោកបានព្រមានថា អាជីវករតាមផ្សារ និងម្ចាស់អាជីវកម្មនានា អនុវត្តមិនខ្ជាប់ខ្ជួនទេនោះ អាជ្ញាធរនឹងចាត់វិធានផ្អាកសកម្មភាពលក់ដូរ និងអាជីវកម្ម។

នៅយប់ថ្ងៃទី២៩ ខែមេសា អាជ្ញាធរនៅតាមបណ្តាសង្កាត់ និងខណ្ឌនានា ក្នុងរាជធានីភ្នំពេញ បានចាប់ផ្តើមរឹតបន្តឹងវិធានការបិទខ្ទប់នេះ ដោយបានបិទបណ្តាផ្លូវនានានៅក្នុងតំបន់ក្រហម និងលឿងទុំ។

លោក គឹម សន្តិភាព រដ្ឋលេខាធិការក្រសួងយុត្តិធម៌ បានគូសបញ្ជាក់ថា ប្រសិនបើរយៈពេល៧ថ្ងៃនេះ មិនអាចកាត់ផ្តាច់ការចម្លងជំងឺកូវីដ១៩ មិនបានទេនោះ គណៈកម្មការជាតិគ្រប់គ្រង និងអនុវត្តវិធានការបិទខ្ទប់ នឹងពិចារណាអនុវត្តវិធានការបិទខ្ទប់ជាបន្តទៀត៕



Wednesday, April 28, 2021

មន្ទីរទេសចរណ៍ខេត្តកោះកុងបានពង្រឹងការអនុវត្តវិធានការសុខាភិបាលយ៉ាងម៉ឺងម៉ាត់នៅតាមតំបន់កម្សាន្ត

ចំនួនអ្នកទស្សនា: Views


 (ខេត្តកោះកុង):ក្រោយពីរាជរដ្ឋាភិបាលបើកឱ្យដំណើរការនូវវិស័យទេសចរណ៍ឡើងវិញ មន្ទីរទេសចរណ៍ខេត្តកោះកុងបានអនុវត្តវិធានការសុខាភិបាលយ៉ាងម៉ឺងម៉ាត់ដើម្បីចូលរួមទប់ស្កាត់កុំឱ្យមានការរីករាលដាលនៃជំងឺកូវីដ១៩ដល់ក្នុងមូលដ្ឋានអាជីវកម្មសេវាកម្មទេសចរណ៍ពិសេសធានាបាននូវសុវត្ថិភាពភ្ញៀវទេសចរដែលទៅលេងកម្សាន្ត។

លោក សុខ ចាន់គ្រឹះស្នា ប្រធានមន្ទីរទេសចរណ៍ខេត្តកោះកុងបានមានប្រសាសន៍ថា ស្របតាមអនុសាសន៍របស់រាជរដ្ឋាភិបាលកម្ពុជាដោយអនុញ្ញាតឱ្យបើកដំណើរការឡើងវិញនូវសេវាកម្មទេសចរណ៍នានាទូទាំងប្រទេសនោះមន្ទីរទេសចរណ៍ខេត្តកោះកុងក៏បានពង្រឹងនូវសេវាកម្មទេសចរណ៍របស់ខ្លួនដោយអនុវត្តទៅ តាមវិធានសុខាភិបាលក៏ដូចជាវិធានសុវត្ថិភាពទេសចរណ៍ពិសេសនោះវិធាន៣ការពារ៣កុំរបស់រាជរដ្ឋាភិបាល ដើម្បីធានាសុវត្ថិភាពជូនភ្ញៀវ។

លោកប្រធានមន្ទីរបានបន្តថា ដើម្បីធានាសុវត្ថិភាពទាំងអ្នកបំរើសេវាកម្មទេសចរណ៍ក៏ដូចជាភ្ញៀវទេសចរដែលមានបំណងមកកម្សាន្តនៅតំបន់នានាក្នុងទឹកដីតំបន់ឆ្នេរនៃទិសនិរតីនោះមន្ទីរក៏បានសហការជាមួយអាជ្ញាធរពាក់ព័ន្ធគ្រប់ជាន់ថ្នាក់ចុះត្រួតពិនិត្យ ណែនាំដល់គ្រប់មូលដ្ឋានអាជីវកម្មទេសចរណ៍ទាំងអស់ត្រូវកត់អាសយដ្ឋាននិងលេខទូរស័ព្ទរបស់ភ្ញៀវទេសចរ ហើយត្រូវបំពាក់ប្រព័ន្ធ QR code នៅតាមទីតាំងដែលផ្ដល់សេវាកម្មទេសចរណ៍និងតម្រូវឱ្យភ្ញៀវទេសចរស្កេនជាកំហិតមុនចូលកម្សាន្តនៅកន្លែងនីមួយៗនោះ។ទន្ទឹមនឹងនោះ ត្រូវពិនិត្យកម្តៅបាញ់អាល់កុល ពាក់ម៉ាស់ និងរក្សាគម្លាតសុវត្ថិភាពជាដើម។

 "ពេលភ្ញៀវទៅដល់យើងត្រូវតែស្កេន QR code ដែលបានដាក់នៅតាមរមណីយដ្ឋាន ផ្ទះសំណាក់សណ្ឋាគារនិងទី ២ យើងអនុវត្តតាមអនុសាសន៍របស់រាជរដ្ឋាភិបាលកម្ពុជាគឺវិធានការ ៣ការពារ៣កុំហើយអនុវត្តតាមវិធានសុខាភិបាលរបស់យើងហ្នឹង។ទី៣ទទួលភ្ញៀវត្រឹមចន្លោះមួយដែលសមរម្យហើយមានគម្លាត និងសល់ទីធ្លាបានទូលាយមិនឱ្យលើសចំណុះឡើយ"។

លោកប្រធានមន្ទីរបន្តទៀតថា ក្នុងបរិបទកូវីដ១៩នេះ ក្នុងនាមជាប្រតិបត្តិករទេសចរណ៍យើងត្រូវតែពង្រឹងគុណភាពសេវាកម្មទេសចរណ៍ឲ្យកាន់តែល្អជាងមុនទ្វេដង ថែរក្សាអនាម័យបរិស្ថានឱ្យស្អាតជានិច្ចរួមនិងរក្សាតម្លៃផលិតផលឱ្យបានសមរម្យដើម្បីទាក់ទាញភ្ញៀវទេសចរទោះបីឋិតនៅក្នុងកាលៈទេសៈណាក៏ដោយ។

សូមបញ្ជាក់ថា រាល់អ្នកដំណើឆ្លងកាត់ខេត្តកោះកុង ត្រូវមានវិធានការដូចជា៖

១. អ្នកបានចាក់វ៉ាក់សាំងរួច ២ ដង រយៈពេល ១ ខែក្រោយចាក់លើកទី២ មិនចាំបាច់ពិនិត្យមើលតេស្តរហ័សទេ ប្រសិនបើគ្មានរោគសញ្ញាសង្ស័យ ។

២. ករណី បានចាក់វ៉ាក់សាំងរួចរាល់ត្រឹមត្រូវ (១ ខែក្រោយចាក់លើកទី ២ ) + មានរោគ សញ្ញាសង្ស័យ ត្រូវធ្វើតេស្តរហ័ស

៣.មានលិខិតបញ្ញាក់លទ្ឋផលកូវីដអវិជ្ជមានក្នុងថ្ងៃធ្វើដំណើរ សុពលភាព ១ថ្ងៃតែប៉ុណ្ណោះ ។

៤. ក្រៅពីចំណុចទី ១ ទី ២ និង ទី ៣ ខាងលើ គឺតម្រូវឱ្យធ្វើតេស្តរហ័សទាំងអស់ ដើម្បីកាត់ផ្ដាច់កុំឱ្យមានការចម្លងថ្មីនៃជំងឺកូវីដ-១៩៕

អ្នកនាំពាក្យក្រសួងយុត្ដិធម៌៖ ការបិទខ្ទប់រាជធានីភ្នំពេញ និងទីក្រុងតាខ្មៅ អាចនឹងបន្តទៀត បើប្រជាពលរដ្ឋមិនចូលរួមទប់ស្កាត់

ចំនួនអ្នកទស្សនា: Views

 

  


(ភ្នំពេញ): ថ្ងៃទី២៨ ខែមេសា ឆ្នាំ២០២១ ឯកឧត្ដម គឹម សន្ដិភាព រដ្ឋលេខាធិការ និងជាអ្នកនាំពាក្យក្រសួងយុតិ្តធម៌បានគូសបញ្ជាក់ថា ការបិទខ្ទប់នៅក្នុងរាជធានីភ្នំពេញ និងទីក្រុងតាខ្មៅ នៃខេត្ដកណ្ដាល អាចបន្តទៀត បើសិន ប្រជាពលរដ្ឋមិន ចូលរួមសហការទប់ស្កាត់ការឆ្លងជំងឺកូវីដ១៩។

ថ្លែងក្នុងសន្និសីទសារព័ត៌មានស្តីអំពីការបិទខ្ទប់ភូមិសាស្ត្ររាជធានីភ្នំពេញ និងក្រុង តាខ្មៅ នៃខេត្តកណ្តាលដើម្បីទប់ស្កាត់ការឆ្លងរាលដាលនៃជំងឺកូវីដ-១៩ រៀបចំដោយ គណៈ កម្មការជាតិគ្រប់គ្រង និងដឹកនាំការអនុវត្តវិធានការបិទខ្ទប់“គ.ប.ខ.” នាព្រឹកថ្ងៃទី២៨ ខែមេសា ឆ្នាំ២០២១ នៅទីស្តីការក្រសួងត្តិធម៌ ឯកឧត្ដម គឹម សន្ដិភាព បានលើកឡើងថា ក្នុងរយៈពេល ១៤ថ្ងៃ មកនេះទាំងអាជ្ញាធរ និងប្រជាពលរដ្ឋបានខិតខំដូចគ្នា ហើយទទួលបាននូវលទ្ធផល ដោយកំណត់ជាតំបន់ចំនួន៣ គឺតំបន់លឿង  តំបន់លឿនទុំ និងតំបន់ក្រហម។ ឯកឧត្ដមបន្ត ថា ការបន្ថែមចំនួន០៧ថ្ងៃនៃការបិទខ្ទប់រាជធានីភ្នំពេញ និងទីក្រុងតាខ្មៅ នេះដោយសារតែ ដើម្បី ទបស្កាត់ ឬកាត់ផ្តាច់ការចម្លងជំងឺកូវីដ១៩ ដែលរយៈពេលបិទខ្ទប់ កន្លងមកនេះ ឃើញ ថាការឆ្ល ងនោះមិនរាលដាលទេគឺឆ្លងតែនៅផ្ទះនោះ។

ឯកឧត្ដមបញ្ជាក់បន្ថែមថា ការបិទនេះដើម្បីផ្តល់លទ្ធភាពដល់អាជ្ញាធរ ក៏ដូចជាគ្រូពេ ទ្យ ដូចជាការទប់ស្កាត់ ការព្យាបាល និងចាក់វ៉ាក់សាំងការពារជំងឺកូវីដ១៩។ ចំពោះតំបន់ ក្រហម គឺ ជាតំបន់ដែលមានការឆ្លងកូវីដ១៩ធ្ងន់ធ្ងរ តំបន់លឿងទុំជាតំបន់មានការឆ្លងមធ្យម និងតំបន់ លឿងកម្រិតឆ្លងស្រាល”។

ឯកឧត្ដមរដ្ឋលេខាធិការបានអះអាងថា “ការបិទខ្ទប់ អាចនឹងនៅមានបន្ត ទៀតបើសិន ប្រជាពលរដ្ឋមិនបានចូលរួម និងករណីមិនមានការថន់ថយ ពីករណីឆ្លងជំងឺកូវីដ១៩។ ផ្ទុយ ទៅ វិញបើប្រជាពលរដ្ឋបានចូលរួមទប់ស្កាត់ និងមានករណីជំងឺកូវីដ១៩ មានសភាពធូរ ស្រាល”៕

ដោយ៖  ប៊ុនរិទ្ធ, សម្រួលផ្សាយ៖ sps-news

ក្រសួងការងារ ជូនដំណឹងពីការប្រើប្រាស់ប័ណ្ណអនុញ្ញាត ដឹកជញ្ជូនកម្មករនិយោជិត និងបុគ្គលិក សម្រាប់រោងចក្រ សហគ្រាស និងសិប្បកម្ម ស្ថិតក្នុង «តំបន់លឿង»

ចំនួនអ្នកទស្សនា: Views

  


 ភ្នំពេញ: ថ្ងៃទី២៨ ខែមេសា ឆ្នាំ២០២១ ក្រសួងការងារ ជូនដំណឹងពីការប្រើប្រាស់ប័ណ្ណអនុញ្ញាត ដឹកជញ្ជូនកម្មករនិយោជិត និងបុគ្គលិក សម្រាប់រោងចក្រ សហគ្រាស និងសិប្បកម្ម ស្ថិតក្នុង «តំបន់លឿង»



Tuesday, April 27, 2021

លោក ហ៊ុន ម៉ាណែត៖ មន្ទីរពេទ្យ និងមណ្ឌលចំនួន៥ ស្មើនឹង៤៣០០គ្រែ ត្រូវបានរៀបចំរួចរាល់ សម្រាប់ព្យាបាលអ្នកជំងឺកូវីដ១៩ កម្រិតស្រាល

ចំនួនអ្នកទស្សនា: Views

 


 (ភ្នំពេញ)៖ លោក ហ៊ុន ម៉ាណែត អគ្គមេបញ្ជាការរង កងយោធពលខេមរភូមិន្ទ និងជាមេបញ្ជាការកងទ័ពជើងគោក នៅថ្ងៃទី២៧ ខែមេសា ឆ្នាំ២០២១នេះ បានអះអាងថា ក្នុងបេសកកម្ម ៥១ថ្ងៃមកនេះ មន្ទីរពេទ្យ និងមណ្ឌលចំនួន៥ ស្មើនឹង ៤៣០០គ្រែ ត្រូវបានរៀបចំរួចរាល់ សម្រាប់ព្យាបាលអ្នកជំងឺកូវីដ១៩ កម្រិតស្រាល។

លោក ហ៊ុន ម៉ាណែត បានបញ្ជាក់ថា មន្ទីរពេទ្យ និងមណ្ឌលសម្រាប់ព្យាបាលជំងឺកូវីត១៩ កម្រិតស្រាល ចំនួន ៥ នោះមាន the Great Duke, មន្ទីពេទ្យហ្លួងម៉ែ, មណ្ឌលព្យាបាលកូវីត១៩ កោះពេជ្រ ទី១ និងទី២, និងមណ្ឌលព្យាបាលកូវីត១៩ ទួលពង្រ)។

លោកបានថ្លែងអរគុណដល់ក្រុមការងារទាំងអស់ដែលបានចូលរួមយ៉ាងសកម្មនៅក្នុងសកម្មភាពនៃការការរៀបចំនេះ ហើយអះអាងថា «បើគ្មានការចូលរួមយ៉ាងសកម្មរបស់បងប្អូនទាំងអស់គ្នាទេ យើងក៏មិនអាចសម្រេចកិច្ចការដ៏ធំនេះក្នុងរយៈពេលដ៏ខ្លីដូច្នេះដែរ»

ជាមួយគ្នានេះ លោកបានអំពាវនាវដល់ប្រជាពលរដ្ឋទាំងអស់ ឱ្យចូលរួមក្នុងការអនុវត្តឲ្យបានខ្ជាប់ខ្ជួននូវវិធានសុខាភិបាល (៣កុំ ៣ ការពារ) ក៏ដូចជាក្នុងការទទួលចាក់វ៉ាក់សាំងការពារជំងឺកូវីដ១៩ និងការគោរពគោលការណ៍អនុវត្តក្នុងការបិទខ្ទប់មួយរយៈពេលខ្លី ដើម្បីរួមគ្នាទប់ស្កាត់ការរីករាលដាល និងឈានដល់ការបញ្ចប់ជំងឺកូវីដ១៩ នៅក្នុងប្រទេសកម្ពុជា ឱ្យបានឆាប់រហ័ស។

ការររៀបចំមន្ទីរពេទ្យ សម្រាប់ព្យាបាលអ្នកជំងឺកូវីដ១៩ បានធ្វើឡើងស្របពេលដែលប្រទេសកម្ពុជា មានការរីករាលដាលជំងឺកូវីដ១៩ យ៉ាងខ្លាំងក្លា នៅក្នុងសហគមន៍។

គិតត្រឹមម៉ោង៧ព្រឹក ម្សិលមិញ កម្ពុជាបានរកឃើញអ្នកឆ្លងសរុបចំនួន ១០,៥៥៥នាក់ ក្នុងនោះករណីសហគមន៍២០កុម្ភៈ ចំនួន ១០,០០៥នាក់, អ្នកជាសះស្បើយចំនួន ៣,៥៧៧នាក់, អ្នកកំពុងសម្រាកព្យាបាលចំនួន ៦៨៩២នាក់, អ្នកស្លាប់ចំនួន ៧៩នាក់ និងអ្នកជំងឺកូវីដ១៩ ស្លាប់ដោយជំងឺផ្សេងមានចំនួន ៧នាក់៕

សាលារាជធានីភ្នំពេញ ជូនដំណឹងពីការបន្តផ្តល់សុពលភាពលិខិតអនុញ្ញាតធ្វើដំណើរ ឬធ្វើចរាចរណ៍ក្នុងតំបន់បិទខ្ទប់ បន្ថែម១សប្តាហ៍ទៀត

ចំនួនអ្នកទស្សនា: Views

 


(ភ្នំពេញ)៖ រដ្ឋបាលរាជធានីភ្នំពេញ នៅព្រឹកថ្ងៃទី២៧ ខែមេសា ឆ្នាំ២០២១នេះ បានចេញសេចក្តីជូនដំណឹង ស្តីពីការការបន្តសុពលភាពលិខិតអនុញ្ញាតធ្វើដំណើរ ឬធ្វើចរាចរណ៍ក្នុងតំបន់បិទខ្ទប់ នៃភូមិសាស្ត្ររាជធានីភ្នំពេញ ដែលបានចេញដោយអាជ្ញាធររួចហើយនោះ អាចបន្តប្រើប្រាស់បានរហូតដល់ថ្ងៃទី០៥ ខែឧសភា ឆ្នាំ២០២១។

រដ្ឋបាលរាជធានីភ្នំពេញបានបញ្ជាក់ថា «ដើម្បីធានាប្រក្រតីភាពនៃជីវភាពរស់នៅ របស់ប្រជាពលរដ្ឋ ស្របតាមសេចក្តីសម្រេចរបស់រាជរដ្ឋាភិបាលកម្ពុជា

ក្នុងការអនុញ្ញាតឱ្យធ្វើដំណើរ ក្នុងភូមិសាស្រ្តរាជធានីភ្នំពេញ ក្នុងអំឡុងពេលបិទខ្ទប់ រដ្ឋបាលរាជធានីភ្នំពេញ សូមជូនដំណឹងដល់ក្រុមហ៊ុន និងម្ចាស់អាជីវកម្មទាំងឡាយ ដែលបានទទួលលិខិតអនុញ្ញាត ធ្វើដំណើរ ឬធ្វើចរាចរណ៍ពីរដ្ឋបាលរាជធានីភ្នំពេញ និងរដ្ឋបាលខណ្ឌទាំង១៤ មេត្តាជ្រាបថា ដោយយោងតាមប្រការ១ នៃសេចក្តីសម្រេចលេខ៥៤ សសរចុះថ្ងៃទី២៦ ខែមេសា ឆ្នាំ២០២១ របស់រាជរដ្ឋាភិបាលកម្ពុជា ដែលបានបន្តការបិទខ្ទប់ ភូមិសាស្ត្ររាជធានីភ្នំពេញ និងក្រុងតាខ្មៅនៃខេត្តកណ្តាល សម្រាប់រយៈពេល៧ (ប្រាំពីរ) ថ្ងៃបន្តទៀត រហូតដល់ថ្ងៃទី០៥ ខែឧសភា ឆ្នាំ២០២១នោះ រដ្ឋបាលរាជធានីភ្នំពេញ សូមបន្តសុពលភាពលិខិតអនុញ្ញាតធ្វើដំណើរ ឬធ្វើចរាចរណ៍ក្នុងភូមិសាស្រ្តរាជធានីភ្នំពេញ ដែលបានផ្តល់ជូននឹងអាចប្រើប្រាស់បានរហូតដល់ថ្ងៃទី០៥ ខែឧសភា ឆ្នាំ២០២១»។

ជាមួយគ្នានេះ រដ្ឋបាលរាជធានីភ្នំពេញ បានណែនាំដល់នាយករដ្ឋបាលសាលារាជធានីភ្នំពេញ ស្នងការនគរបាលរាជធានីភ្នំពេញមេបញ្ជាការកងរាជអាវុធហត្ថរាជធានីភ្នំពេញ អភិបាលនៃគណៈអភិបាលខណ្ឌទាំង១៤ និងមន្ទីរអង្គភាពជំនាញពាក់ព័ន្ធចំណុះរដ្ឋបាលរាជធានីភ្នំពេញ សាធារណជន និងបងប្អូនប្រជាពលរដ្ឋជ្រាបអំពីបន្តសុពលភាពលិខិតអនុញ្ញាតធ្វើដំណើរ ឬធ្វើចរាចរណ៍ និងចូលរួមអនុវត្តឱ្យមានប្រសិទ្ធភាពខ្ពស់៕



ក្រុមហ៊ុន ខ្មែរ ប៊ែវើរីជីស បន្តឧបត្ថម្ភភេសជ្ជៈ និងទឹកបរិសុទ្ធដល់កងកម្លាំងចម្រុះនៅតាមគោលដៅបិទខ្ទប់

ចំនួនអ្នកទស្សនា: Views



(ភ្នំពេញ)៖ កាលពីថ្ងៃទី២៦ ខែមេសា ឆ្នាំ២០២១ ក្រុមហ៊ុនផលិតស្រាបៀរ និងភេសជ្ជៈ ខ្មែរ ប៊ែវើរីជីស បានបន្ត បរិច្ចាគភេសជ្ជៈប៉ូវកម្លាំងវើក ទឹកក្រូចអាយស៍ និងទឹកបរិសុទ្ធ កម្ពុជា ជាច្រើនកេស ជូនដល់កងកម្លាំងចម្រុះ ដែលកំពុងយាមនៅតាមគោលដៅបិទខ្ទប់ចំនួន៣០ទីតាំង ក្នុងរាជធានីភ្នំពេញ



នាយកទំនាក់ទំនងសាធារណៈក្រុមហ៊ុន ខ្មែរ ប៊ែវើរីជីស លោកបណ្ឌិត អ៊ឹម សុធារិទ្ធ ឲ្យដឹងថា ការបរិច្ចាគ ដែលស្ថិតក្រោមយុទ្ធនាការ «ទឹកចិត្តកម្ពុជា» នេះ គឺដើម្បីគាំទ្រដល់ស្ថាប័ននានា ដែលកំពុងបំពេញភារកិច្ចប្រយុទ្ធប្រឆាំងនឹងការរីករាលដាលនៃជំងឺកូវីដ-១៩។


លោកមានប្រសាសន៍ថា៖ «ក្រុមហ៊ុនសង្ឃឹមថា ការបរិច្ចាគនេះនឹងជួយសម្រាលការលំបាក និងកាត់បន្ថយចំណាយមួយផ្នែករបស់កងកម្លាំង ដែលខិតខំយាមនៅតាមគោលដៅបិទខ្ទប់ ដើម្បីធានាសុវត្ថិភាពអាយុជីវិតរបស់ប្រជាពលរដ្ឋគ្រប់ៗគ្នា ពីការឆ្លងនៃជំងឺកូវីដ-១៩»។


ក្រុមហ៊ុន ខ្មែរ ប៊ែវើរីជីស ជាក្រុមហ៊ុនផលិតស្រាបៀរ កម្ពុជា ស្រាបៀរ គូដូ ភេសជ្ជៈប៉ូវកម្លាំងវើក ទឹកក្រូចអាយស៍ និងទឹកបរិសុទ្ធ កម្ពុជា ដែលសុទ្ធតែជាផលិតផលទទួលបានការគាំទ្រខ្លាំងនៅលើទីផ្សារ៕

សម្រួលផ្សាយ៖ anhotnews