សូមស្វាគមន៍ WWW.ANHOTNEWS.COM មានទទួល សេវាកម្មផ្សាយពាណិជ្ជកម្ម គ្រប់ប្រភេទ ចាងហ្វាងការផ្សាយ ទីស្នាក់ការកណ្តាល ភូមិព្រៃលាវ ឃុំ​ បន្សាបត្រែង ស្រុកថ្មគោល ខេត្តបាត់ដំបង ទំនាក់ទំនង Tel :017 77 74 52 ។

Tuesday, May 24, 2022

សម្ដេចក្រឡាហោម សម្ពោធដាក់ឱ្យប្រើប្រាស់អគារសិក្សា១ខ្នង នៅអនុវិទ្យាល័យខ្នាចរមាស

ចំនួនអ្នកទស្សនា: Views

   


បាត់ដំបង: ថ្ងៃទី២៤ ខែឧសភា ឆ្នាំ២០២២ នៅថ្ងៃ៨រោច ខែពិសាខ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃចន្ទ ទី២៣ ខែឧសភា ឆ្នាំ២០២២ សម្ដេចក្រឡាហោម ស ខេង នាយករដ្ឋមន្រ្តីស្ដីទី នៃរាជរដ្ឋាភិបាលកម្ពុជា និង ជាប្រធានក្រុមការងាររាជរដ្ឋាភិបាល ចុះមូលដ្ឋានខេត្តបាត់ដំបង និងខេត្ត
ព្រៃវែង បានអញ្ជើញជាអធិបតីក្នុងពិធីសម្ពោធដាក់ឱ្យប្រើប្រាស់ជាផ្លូវការ អគារសិក្សា១ខ្នង នៅអនុវិទ្យាល័យខ្នាចរមាស ស្ថិតនៅស្រុកបរវេល និង អញ្ជើញចុះពិនិត្យវិទ្យាស្ថាន គរុកោសល្យបាត់ដំបងទាំងពីរកន្លែង ព្រមទាំងបន្តពិនិត្យមើលអគារវិទ្យាល័យនេតយ៉ង់ ដើម្បីសិក្សាអំពីតម្រូវការអគារបន្ថែមទៀតនៅវិទ្យាល័យនេតយ៉ង់ ក្រុងបាត់ដំបង ខេត្តបាត់ដំបង។ មានប្រសាសន៍សំណេះ

សំណាលនាឱកាសនោះ សម្ដេចក្រឡាហោម ស ខេង នាយករដ្ឋមន្រ្តីស្ដីទី បានសង្កត់ធ្ងន់អំពីពាក្យអរគុណសន្តិភាព ដោយសម្ដេចបានថ្លែងពន្យល់បន្ថែមថា មូលហេតុ នៃការអរគុណសន្តិភាព គឺដោយសារទម្រាំមានសុខសន្តិភាពនេះ កម្ពុជាបានឆ្លងកាត់ការលំបាកច្រើនណាស់។ ដូច្នេះកម្ពុជាត្រូវចងចាំប្រវត្តិដ៏ជូរចត់ ការដណ្ដើមបានសន្តិភាពដោយលះបង់សាច់ស្រស់ ឈាមស្រស់ ការធ្វើពលីកម្មគ្រប់បែបយ៉ាងរបស់ប្រជាពលរដ្ឋ កងយោធពលខេមរភូមិន្ទ នគរបាលជាតិ មន្រ្តីរាជការ និងរាជ

រដ្ឋាភិបាលកម្ពុជាដែលដឹកនាំដោយគណបក្សប្រជាជនកម្ពុជា (CPP) ដែលកើតចេញពីការបោះឆ្នោតរបស់ប្រជាពលរដ្ឋ។ ការប្រារព្ធពិធីសម្ពោធអគារសិក្សានាឱកាសនេះ គឺបន្ទាប់ពីស្ថានភាពជំងឺកូវីដ-១៩ នៅកម្ពុជាមានភាពធូរស្រាលឡើងវិញ ក្រោមការដឹកនាំនិងគ្រប់គ្រងប្រកបដោយប្រសិទ្ធភាពរបស់រាជរដ្ឋាភិបាល។ សម្ដេចក្រឡាហោម ក៏បានសម្ដែងក្ដីមោទកភាព ចំពោះការរីកចម្រើនគ្រប់វិស័យនៅក្នុងស្រុកបវេល ក្នុងនោះរួមទាំងវិស័យអប់រំ ដែលគ្រប់មូលដ្ឋានប្រជាពលរដ្ឋ មានសាលារៀនសម្រាប់

កូនចៅសិក្សារៀនសូត្រ ជាមួយនឹងការបំពាក់នូវមធ្យោបាយរៀន និងបង្រៀនកាន់តែប្រសើរជាងមុន ក្នុងនោះក៏មានការខិតខំបង្រៀន និងរៀនតាមបែបគន្លងថ្មីនៅក្នុងបរិបទនៃការឆ្លងរីករាលដាលជំងឺកូវីដ-១៩ នារយៈកាលកន្លងមកផងដែរ។

 ពាក់ព័ន្ធនឹងវិស័យអប់រំនេះដែរ សម្ដេចក្រឡាហោម នាយករដ្ឋមន្រ្តីស្ដីទី ក៏បានបង្ហាញមោទកភាពផងដែរ ដែលខេត្តបាត់ដំបងស្ថិតក្នុងចំណោម ខេត្តមានអត្រាសិស្សប្រឡងជាប់មធ្យមសិក្សាទុតិយភូមិ ឬបាក់ឌុបបានច្រើនជាងគេ ក្នុងនោះខេត្តមានសិស្សជាប់និទ្ទេស Aចំនួន១២៣រូប និងដោយឡែកសិស្សនៅស្រុកបវេលក៏បានជាប់និទ្ទេស A ចំនួន៧រូបដែរ។ សម្ដេចបន្ថែមថា អគារសិក្សាមួយខ្នងដែលប្រារព្ធពិធីសម្ពោធនាឱកាសនេះ គឺជាសមិទ្ធផលចំណងដៃមួយទៀតជូនស្រុកបវេល ហើយសម្ដេចមានសេចក្ដីសង្ឃឹមជឿជាក់ថា វិស័យអប់រំក្នុងស្រុកមួយនេះនឹងកាន់តែមានការរីកចម្រើន ដើម្បីរួមចំណែកវិនិយោគបន្ថែមទៀត នូវធនធានមនុស្សសម្រាប់ការអភិវឌ្ឍសេដ្ឋកិច្ច និងសង្គម ៕ដោយណយ នឿន (ប្រភពៈរដ្ឋបាលខេត្តបាត់ដំបង) សម្រួលផ្សាយដោយ៖ dara

Monday, May 9, 2022

ប្រជាពលរដ្ឋ ស្រុក​កោះធំ ទទួលបាន​ផ្លូវ​បេតុង អា​មេ​មួយ​ខ្សែ ប្រវែង​ជិត ១.០០០ ម៉ែត្រ និង​ស្ពាន​បេ​ឡេ​មួយ បន្ថែម​ពីលើ​សមិទ្ធផល ដែលមាន​ស្រាប់​

ចំនួនអ្នកទស្សនា: Views

     

កណ្តាល​៖ ផ្លូវ​បេតុង​អា​មេ មួយ​ខ្សែ ប្រវែង ៨៨៥ ម៉ែត្រ និង​ស្ពាន​បេ​ឡេ មួយកន្លែង ស្ថិតនៅ​ភូមិ​កំពង់​ថ្កុ​ល ឃុំ​សំពៅ​ពូន ស្រុក​កោះធំ ខេត្តកណ្តាល បាន​ត្រូវ​សម្ពោធ ដាក់ឱ្យ​ប្រើប្រាស់​ជា​ផ្លូវការ កាលពី​ថ្ងៃទី​៨ ខែឧសភា ឆ្នាំ​២០២២ ក្រោម​អធិបតីភាព លោក​ទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួង​សាធារណការ និង​ដឹកជញ្ជូន ។​

​ក្រៅពីនេះ អ្នកស្រុក​កោះធំ ទទួលបាន​សមិទ្ធផល​ជាច្រើន​ទៀត ដូចជា ផ្លូវជាតិ​លេខ​២១ ស្ពាន​ឆ្លងទន្លេ​បាសាក់​កោះធំ ផ្លូវ​លេខ​១១០ មន្ទីរពេទ្យ តេ​ជា​សែន កោះធំ មណ្ឌល​សុខភាព ផ្លូវ​បេតុង​ជាច្រើន​ខ្សែ និង​បណ្ដាញ ហេដ្ឋារចនាសម្ព័ន្ធ​រូបវន្ត ជាច្រើន​ទៀត ដើម្បី​សម្រួល​ដល់ ការរស់នៅ​របស់ បងប្អូន​ប្រជាពលរដ្ឋ ឱ្យមាន​ជីវភាព​កាន់តែ ប្រសើរឡើង ថែម​មួយកម្រិត​ទៀត​។ ជាងនេះទៅទៀត ប្រជាពលរដ្ឋ នៅ​ស្រុក​កោះធំ ក៏​នឹង​ទទួលបាន​គម្រោង បំពាក់​ភ្លើង​សូ​ឡា​បំភ្លឺ ផ្លូវ ពេលយប់ តាម​បណ្ដាញ​ផ្លូវ​បេតុង ដែល​បាន​សាង សង់​រួច ដើម្បី​សម្រួល​ដល់​ការធ្វើដំណើរ របស់ បងប្អូន​ប្រជាពលរដ្ឋ ឱ្យ​កាន់​តែមាន​ភាពប្រសើរឡើង កាត់បន្ថយ​គ្រោះថ្នាក់​ចរាចរណ៍ និង ធានាបាន​សន្តិសុខ សុវត្ថិភាព ផងដែរ​។

​ថ្លែង​សំណេះសំណាល នាឱកាស​នោះ លោក​ទេសរដ្ឋមន្ត្រី បាន​គូសបញ្ជាក់ថាៈ ក្រោម​ការដឹកនាំ ដ៏​ត្រឹមត្រូវ​របស់ សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី នៃ​ព្រះរាជាណាចក្រ​កម្ពុជា ប្រទេសជាតិ មាន​សុខសន្តិភាព ពេញលេញ មានការ​អភិវឌ្ឍ លើ​គ្រប់​វិស័យ ជាពិសេស​ភាពជោគជ័យ នៃ​ការប្រយុទ្ធ​ប្រឆាំងនឹង​ជំងឺ កូ​វីដ​១៩ ដែល​បច្ចុប្បន្ន ប្រទេស​យើង បាន​បើក ដំណើរការ​សេដ្ឋកិច្ចសង្គម ទាំងស្រុង​ឡើងវិញ តាមរយៈ​ការសម្រេចបាន អត្រា​នៃ​ការចាក់​វ៉ាក់សាំង​បង្ការ បាន​ច្រើនជាងគេ លំដាប់​ទី​ពីរ នៅក្នុង​ពិភព លោក​។

​បន្ថែម​ពីលើ​នេះ លោក​ទេសរដ្ឋមន្ត្រី ក៏បាន​លើកឡើង ពី​សមិទ្ធផល​ជាច្រើន​របស់ រាជរដ្ឋាភិបាល ក្រោម​ការដឹកនាំ​ដ៏​ត្រឹមត្រូវ របស់​គណបក្ស​ប្រជាជន​កម្ពុជា បាន​ខិតខំ​ប្រឹងប្រែង​ផ្ដល់ជូន បងប្អូន​ប្រជាពលរដ្ឋ នៅ​ស្រុក​កោះធំ ដែល​រួមមាន ផ្លូវជាតិ​លេខ​២១ ស្ពាន​ឆ្លងទន្លេ​បាសាក់​កោះធំ ផ្លូវ​លេខ​១១០ មន្ទីរពេទ្យ តេ​ជា​សែន កោះធំ មណ្ឌល​សុខភាព​ផ្លូវ​បេតុង ជាច្រើន​ខ្សែ និង​បណ្ដាញ ហេដ្ឋារចនាសម្ព័ន្ធ​រូបវន្ត ជាច្រើន​ទៀត ដើម្បី​សម្រួល​ដល់​ការរស់នៅ របស់​បងប្អូន​ប្រជាពលរដ្ឋ ឱ្យមាន​ជីវភាព កាន់តែ​ប្រសើរឡើង ថែម​មួយ កម្រិត​ទៀត​។​

​លោក​ទេសរដ្ឋមន្ត្រី ក៏បាន​ជម្រាបជូន​ផងដែរ អំពី​គម្រោង​បំពាក់​ភ្លើង​សូ​ឡា​បំភ្លឺ​ផ្លូវ ពេលយប់ តាម​បណ្ដាញ​ផ្លូវ​បេតុង ដែល​បាន​សាងសង់​រួច ដើម្បី​សម្រួល ដល់​ការធ្វើដំណើរ របស់​បងប្អូន ប្រជាពលរដ្ឋ ឱ្យ​កាន់​តែមាន​ភាពប្រសើរឡើង កាត់បន្ថយ​គ្រោះថ្នាក់​ចរាចរណ៍ និង​ធានាបាន សន្តិសុខ សុវត្ថិភាព​ផងដែរ​។​

​បន្ទាប់ពី​កម្មវិធី​សម្ពោធ​ដាក់ឱ្យ​ប្រើប្រាស់​ផ្លូវ​បេតុង និង​ស្ពាន​មួយកន្លែង​នា ពេលនេះ លោក​ទេស រដ្ឋមន្ត្រី បាន​អញ្ជើញ​ដឹកនាំ ក្រុមការងារ​បច្ចេកទេស ពាក់ព័ន្ធ របស់​ក្រសួង ចុះ​ពិនិត្យ​វឌ្ឍនភាព ការងារ សាងសង់​មន្ទីរពេទ្យ​តេ​ជោ សែន កោះធំ ដើម្បី​ធានា​គុណភាព​សំណង់ ស្របតាម​កិច្ចសន្យា ដែលមាន​ចែង នៅក្នុង​សៀវភៅ​បន្ទុក ហើយ​គិត​រហូត​មកទល់ពេលនេះ ការសាងសង់ សម្រេចបាន ៣៣,៥៨% ហើយ គ្រោង​បញ្ចប់​ជា​ស្ថាពរ នៅ​ឆ្នាំ​២០២៣ មុន​ពិធីបុណ្យ​ចូលឆ្នាំថ្មី ប្រពៃណីជាតិ​។​

​សូម​ជម្រាបជូន​ផងដែរ​ថា ផ្លូវ​បេតុង​អា​មេ ប្រវែង ៨៨៥ ម៉ែត្រ និង​ស្ពាន​មួយកន្លែង ដែល​សម្រេច បាន នៅថ្ងៃនេះ នឹងចូលរួម​ចំណែក ក្នុងការ​សម្រួល​ដល់ ការធ្វើដំណើរ និង​ការដឹកជញ្ជូន​របស់ បងប្អូន​ប្រជាពលរដ្ឋ នៅក្នុង​មូលដ្ឋាន ឱ្យ​កាន់​តែមាន​ភាពប្រសើរឡើង​៕

       

Thursday, May 5, 2022

អភិបាលខេត្តកំពង់ធំ ដាស់តឿនដល់ប្រធានអង្គភាពត្រូវទទួលខុសត្រូវចំពោះមុខច្បាប់រាល់កិច្ចការងាររបស់ខ្លួន

ចំនួនអ្នកទស្សនា: Views

    


(កំពង់ធំ) ៖ ឯកឧត្តម ងួន រតនៈ អភិបាលខេត្តកំពង់ធំបានដាស់តឿនដល់ប្រធានអង្គភាពទាំងអស់ត្រូវទទួលខុសត្រូវចំពោះមុខច្បាប់រាល់កិច្ចការងាររបស់ខ្លួន ។ ឯកឧត្តម បានថ្លែងយ៉ាងដូច្នេះ នៅក្នុងកិច្ចប្រជុំប្រចាំខែរបស់គណៈបញ្ជាការឯកភាពរដ្ឋបាលខេត្តកំពង់ធំរសៀលថ្ងៃទី ០៤ ខែឧសភាឆ្នាំ ២០២២ ដោយមានការអញ្ជើញចូលរួមពីប្រធានមន្ទីរអង្គភាពជុំវិញខេត្ត ព្រះរាជអាជ្ញា កងកម្លាំងទាំងបីប្រភេទ និងអភិបាលក្រុង ស្រុក ។

ឯកឧត្តម បានជំរុញអោយរដ្ឋបាលឃុំត្រូវបង្កើនការយកចិត្តទុក្ខដាក់ផ្តល់សេវានិងសុខទុក្ខជូនប្រជាពលរដ្ឋក្នុងមូលដ្ឋានរបស់ខ្លួនអោយបានល្អ ដូចជាការផ្តល់សេវាប្រកបដោយតម្លាភាព និងឆាប់រហ័ស ជឿជាក់ ក្នុងការដោះស្រាយបញ្ហាផ្សេងៗជូនប្រជា ពលរដ្ឋ ពិសេសពលរដ្ឋដែលងាយរងគ្រោះអោយទាន់ពេលវេលា ។

លើសពីនេះឯកឧត្តម ក៏បានឲ្យអាជ្ញាធរមានសមត្ថកិច្ចកងកម្លាំងទាំងបីត្រូវក្តាប់ព័ត៌មានសន្តិសុខសុវត្ថិភាពតាមមូលដ្ឋានអោយបាន ដើម្បីឆ្លើយតបឬបង្ក្រាបបទល្មើសនិងជួយជនរង គ្រោះបានទាន់ពេលវេលា ។ ជាមួយគ្នានោះដែរ ទាក់ទងនិងបទល្មើសព្រៃឈើ ត្រូវត្រួតពិនិត្យទៅលើឈ្មួញដែលទិញឈើ តើមានច្បាប់ អនុញ្ញាតឬអត់ ហើយសមត្ថកិច្ចជំនាញ និងសមត្ថកិច្ចពាក់ព័ន្ធដែលនៅឈរជើងតំបន់នោះហាក់បីដូចជាមិនចាប់អារម្មណ៍ ហើយមានសភាពធូរលុងបណ្តែតបណ្តោយឲ្យសកម្មភាពដឹកជញ្ជូនឈើតាមរថយន្តរឺគោយន្តកន្ត្រៃយ៍ចេញពីក្នុងព្រៃយ៉ាងអាណាធិបតេយ្យ ដោយពុំមានការទប់ស្កាត់អ្វីឡើយ ។

ឆ្លៀតក្នុងឱកាសនោះដែរ ឯកឧត្តម បានជរុញអោយអាជ្ញាធរមូលដ្ឋាន ត្រូវត្រួតពិនិត្យទៅលើការចាក់វ៉ាក់សាំងរបស់ប្រជាពរដ្ឋតើបានចាក់ប៉ុន្មានលើកហើយ ។

ចុងក្រោយឯកឧត្តម បានអំពាវនាវដល់មន្ត្រី កងកម្លាំង ព្រមទាំងប្រជាពរដ្ឋសូមចូលរួមបរិច្ចាកជាថវិកា សម្ភារៈ ជាមួយកាកបាទក្រហមកម្ពុជា ដើម្បីយកថវិកា និងសម្ភារៈទាំងអស់នោះយកទៅជួយដល់ប្រជាពលរដ្ឋងាយរងគ្រោះបានទាន់ពេលវេលា ៕ ដោយ៖មន្ទីរព័ត៌មានខេត្តកំពង់ធំ សម្រួលផ្សាយដោយ៖ dara